Oilarra escoftalmidoen familiako arraina da: zapala, asimetrikoa eta bi begiak gorputzeko ezker aldean kokatuta. Grasa gutxidun arraina txuria da, B3, B6, B9 eta B12 bitaminetan aberatsa.
Atlantiar ozeano iparorientalean bizi da, Iparraldeko itsaso eta mendebaldeko Mediterraneoan.
Oilarra urte osoan zehar topatuko duzue gure mostradorean baina ugariagoa da otsaila amaieratik maiatza hasiera bitarteko epean.
Arrastreeko sareekin arrantzatzen da, arrain zapal hauek 100 eta 400m-ko sakoneran bizi direlako.
Arrain zapala izateagatik arantzik gabeko xerretan azalarekin edo azalik gabe presta daiteke, eta osoan baita ere. Sukaldean aukera pila ematen ditu: menière, saltsa berdean, frijitua, arrautzaztatua, baporera… Bere zaporea oso fina da eta bere testura lirdingatsua, etxeko txikian arrainaren munduan murgiltzeko aukera ezinhobea.
Ederra dago osoan frijituta, batez ere oilar txikitxoak direnean, eta oso goxoa dago baita ere bere xerrak biribildu eta barazki edo itsaskiekin betetzen baditugu.
